“Коллагеныг хүнсний нэмэлт хэлбэрээр хэрэглэх нь үр дүн муутай, нүүр арьсын залуу байдлыг хэвээр хадгалахад онц нэмэргүй. Харин үүний оронд зөв хооллолтыг эрхэмлэж, нарнаас хамгаалах хэрэгслийг тогтмол ашиглах зэргээр арьсаа цогц арчлах нь илүү үр дүн өгдөг. Хоолны чанарт онцгойлон анхаар, тухайлбал витамин, антиоксидантаар баялаг хоол хүнс тогтмол хэрэглэ. Хэт ягаан туяаны хортой нөлөөнөөс арьсаа хамгаалах явдал маш чухал, энэ нь эрт хөгшрөлтөөс сэргийлж үрчлээ үүсэхгүй байхад тустай” гэж Английн дерматологч Жастин Клук мэдэгдсэнийг “Daily Mail” дамжууллаа.