Байцаа, брокколи, кейли зэрэг навчит ногоонд агуулагддаг сульфорафан -химийн бодисууд нь коронавирүс ба ханиадын вирүсийн өсөлтийг сааруулдаг хэмээн АНУ-ын Жон Хопкинсийн төвийн эрдэмтэд мэдэгдлээ. "Ногоон өнгөтэй навчит ногоон дахь химийн энэ нэгдэл мөн хавдрын эсрэг үйлчилгээтэй, гэхдээ үүнийг клиник туршилтаар шалгаж амжаагүй байгаа. Иймээс 100% үр дүн үзүүлнэ гэж найдах болохгүй" хэмээн мэргэжилтнүүд сэрэмжлүүллээ. Тэдний бүтээлийг “Communications Biology” сэтгүүл нийтэлсэн байна. Харин коронавирүсийн тухайд авч үзвэл, сульфорафан нь 6 штаммын өсөлтийг бууруулж улмаар уушгинд үүсэх хүндрэлийг 29%-иар бууруулж байв. "Хэдий тийм ч дээр дурдсан ногоог хэтрүүлж хэрэглэж болохгүй, яагаад гэвэл аливаа хэтрүүлэг сөрөг нөлөөтэй" хэмээн эрдэмтэд мэдэгджээ.