Хатаасан башир цэцэг (гвоздика) нь антиоксидантаар баялаг бөгөөд бие махбодийг витаминууд, минералууд, микро элементүүд, ашигтай тосоор хангадаг. Түүнчлэн түүнийг толгойн өвчин намдаах, мэдрэлийн системийг сэргээх, зүрхний булчинг бэхжүүлэх зорилгоор зарим улсад ашигладаг юм байна. Гвоздика бие организмд зөөлөн үйлчилдэг, тогтмол хэрэглэхэд зүрх ба судас бэхжүүлэх, цусны эргэлтийг сайжруулах, цус шингэлэх зэргээр нөлөөлдөг. Башир цэцгийн эфирийн тос нь артерийн  өндөр даралтыг хэвийн болгож тогтворжуулдаг, гэхдээ хөнгөн хэлбэрийн үед хэрэглэхээс биш хүнд үед огт болохгүй. Ер нь хэрэглэхийн өмнө эмчээс зөвлөгөө авах хэрэгтэй. Яагаад гэвэл, хатаасан башир цэцгийн цай, чанамал хэдийгээр цусны даралтыг бууруулдаг боловч дангаар нь хэрэглэвэл эсрэгээр нөлөөлж даралтыг ихэсгэдэг.